* နံပါတ် (၄) ကင်မရာ
ရက်စွဲ - ၁၃.၀၂.၂၀၁၈
အနက်ရောင်တွေကိုအကျဉ်းချ
မှောင်မိုက်နေတဲ့ကမ္ဘာငယ်
ကိုယ့်မှာ မျက်လုံးတစ်လုံးပဲရှိခဲ့တယ်
***
အရာရာကို အသားတကျ
မျက်တောင်အဖွင့်အပိတ်ကြားမှာ
မင်း ထုတ်ဖော်မြွက်ကြားခြင်းမရှိခဲ့တဲ့
ကြီးမြတ်ခမ်းနားခြင်းများစွာ
ကိုယ်မြင်နိုင်ခဲ့တယ်
***
အလင်းတံခါးကိုခေါက်
ကဆုန်ပေါက်ဝင်လာတဲ့
ဆုံမှတ်တွေ စုချည်
ဘော်ငွေရောင် ကိုယ့်နှလုံးသားပေါ်မှာ
ပုံရိပ်စစ်တွေသာဖြတ်သန်းခွင့်ပေးခဲ့တယ်
***
သေသေသပ်သပ် "ချိန်တာ" ညှိခဲ့သော်လည်း
ပြန်လင်းတန်းတွေမှာ အလွမ်းသက်ခဲ့တော့
ခေတ်ဆွေးထဲက ကင်မရာဟောင်းတစ်လုံးလို
မုန်းမေ့မေ့......ထားရစ်ခဲ့ပါ မေ။
ကလောင်အမည် - သက်ကေသရာ
Comments
Post a Comment